ПРИКАЗНА
Инспирирана од долготрајната руска царица Екатерина Велика, приказната за нашата ракија започнува кога истоимената Катерина реши да создаде врвен алкохолен пијалок кој оддава почит на богатата историја на ракијата. Како член на втората генерација на семејство кое долгогодишно се занимава со производство на светски познатата Струмичка Мастика, како и врвни македонски вина, во нејзините гени владее љубовта кон правењето висококвалитетна ракија, со што креацијата на ракијата Катерина Велика станува неизбежна.
Со комбинирање на вештините на искусниот тим за производство и нејзиното широко познавање на трендовите во индустријата, успеавме да создадеме прекрасна ракија која е рачно изработена со љубов во Северна Македонија.
Креација
Инспирирана од оригинален семеен рецепт, оваа ракија е направена од врвни состојки за да создаде уникатен, повеќедимензионален и избалансиран вкус кој е проткаен со традиција. Користејќи мускатно грозје кое се добива директно од сопствените лозја на АД Грозд, Катерина Велика ги дава очекуваните ноти кои потоа совршено се компензираат со суптилно додавање на рузмарин и каранфилче.
Мајсторство
Спојувајќи ја модерната технологија и традиционалната изработка, Катерина Велика е создадена преку индивидуална дестилација на вино со цел да се создаде суптилно слатка, незаборавна арома со вкус на мускат. Катерина Велика е внимателно одлежена во исклучителен амбиент со многу грижа. Се издава во ограничена количина секоја година, така што е резервирана само за неколкуте привилегирани познавачи.
Важноста на нашите корени
Катерина Велика е 100% направена од рачно набрано, мускатно грозје кое доаѓа од нашите прекрасни лозја лоцирани во југоисточниот дел на Северна Македонија. Во овој регион, континенталната и медитеранската клима се спојуваат, со што се создава основа за одличен тероар - клучната состојка за создавање на врвна ракија.
